Meer van die Oewer
Welkom by Aan-die-Oewer, die oase van die Bo-Karoo.
Hier kan vakansiegangers en besoekers van oraloor die betowering van die pragtige oewer, die rivier en natuurlik die gasvryheid van Orania en sy mense kom ontdek. Uitgestrekte grasperke onder die inheemse wag-‘n-bietjie-, doring- en kareebome bied ruimte vir kinders om te speel en vir grootmense om sommer net ‘n vleisie te braai terwyl hulle die rustigheid en skoonheid van die omgewing geniet.
Kampplek, selfsorgchalets en ‘n hotel met 12 kamers sorg vir genoeg akkommodasie vir nagenoeg 150 gaste. Die oord het heelwat geriewe soos ‘n restaurant, spa, onderdakswembad, kayakke en ‘n vlot op die rivier. Waterpret soos binnebandry en jetski’s.word in vakansietye aangebied, onder leiding van ‘n bekwame gids.
Kom besoek gerus Aan-die-Oewer vakansieoord en kom vind self uit waarom dit die "toerismejuweel" van die Noord-Kaap genoem word.
Akkommodasie
Ons kampterrein is bekend vir sy ruim en skaduryke staanplekke wat omsoom word deur lower groen grasperke. Kampeerders van oraloor kan getuig van onvergeetlike vakansies hier langs die Oranjerivier. ‘n Goed toegeruste ablusieblok met bad- en stortgeriewe is van gasgeisers voorsien om te verseker dat kampeerders altyd warm water het, voorsiening van ‘n kragpunt, varswater kraan en verskuifbare braaier is ook gemaak.
Die selfsorgchalets is almal ten volle toegerus en wissel in grootte en uitleg. Elkeen is uniek en keurig toegerus en gaste staan telkens verstom oor die luukse verblyf wat hulle hier ontdek. Van die kleinste plekkie vir twee persone tot die grootste huis wat nege gaste kan huisves is toegerus met DSTV, lugversorging, houtdekke of stoepe met dekmeubels en braaigeriewe. Komplimentêre tee en koffie word vir u eerste nag se verblyf voorsien. Gaste kan deurgaans verseker wees van aangename verblyf en goeie waarde vir geld.
Die Oewer Hotel met sy 8 dubbel- en 4 familiekamers is ‘n goeie keuse vir gaste wat nie die selfsorgopsie verkies nie. Elke kamer is met sorg toegerus en is voorsien van alles wat u nodig het vir aangename verblyf. ‘n Klipgooi van die restaurant en spa af is die hotel ‘n goeie keuse vir gaste wat op ‘n sakebesoek aan Orania of omgewing is.
Kontak ons
Hoewe 36, Punt van Diamant laan
Orania
Noord Kaap
Tel: 053 207 0118
Fax: 086 625 2221
Sel: 076 265 2675